Reagime të shumta vendore ka pasur sot pasi Qeveria e Kosovës njoftoi se është duke përgatitur një draft-statut lidhur me Asociacionin e komunave me shumicë serbe, bazuar në propozimin e Fondacionit gjerman Friedrich Ebert.
Njohës të politikës në vend shprehen pro dhe kundër letrës së qeverisë ku paralajmërohet dërgimi i një draft-statutit në Kushtetuese deri në fund të majit.
Analisti politik, Agon Maliqi thekson se Qeveria e Kosovës jeton në një univers paralel ku mendon se shtetet e perëndimit mundet siç thotë me i “Folliratë”.
“Qeveria e Kosovës jeton në një univers paralel ku mendon se shtetet e perëndimit mundet me i ‘folliratë’ si militantat. Kushdo që ka studiuar marrëdhënie ndërkombëtare besoj se ka bërë ‘simulime’, ku studentët luajnë role shtetesh dhe shpesh krijohen skenare jorealiste. Kosova sot po qeveriset si simulim studentësh”, shkruan ai.
“I patëm 2+ vjet si shtet për ta dërguar draftin tonë maksimalist të asociacionit. Tash kur efektivisht u mbyll hapësira e dialogut dhe u humb mundësia për t’u bërë diçka më serioze gjatë administratës Biden, madje edhe u mbyll dera për Këshill të Evropës sivjet, qeveria del me një manovër se ‘do ta dërgojmë draftin e bazuar në FES deri më 31 maj’. Kjo do të trajtohet nga aleatët si tallje me ta”, shkruan ai.
Ndërkaq, për njohësin tjetër të zhvillimeve politike, Ehat Miftaraj një veprim i tullë duhet përgëzuar.
“Donikë Gervalla dërgon shkresë zyrtare ku zotohet se Qeveria e Kosovës deri më 24 maj 2024 do e dërgon Statutin e Asociacionit në Kushtetuese.
Nëse ky lajm konfirmohet është vendim prej shtetari nga Donike Gërvalla dhe për këtë duhet përgëzuar.
P.S. Pse Kosova e ka degraduar pozitën ku nga themelimi i Asociacionit lidhet me anëtarësim në CoE dhe PA njohje reciproke nga Serbia dhe ulësja në OKB është rezultat i tallava diplomacisë udhëhequr nga Kurti, Bislimi dhe qeverisja populiste me vizion të vetëm VOTEN dhe pushtetin”, shkruan ai. /Telegrafi/
