Aktori i njohur shqiptar, Blerim Destani, ka shënuar një tjetër sukses ndërkombëtar.
Ashtu siç është paralajmëruar edhe më parë, Destani është bërë pjesë e filmit hollivudian “The Poison Rose”.
Ky film tashmë është i disponueshëm në të gjitha kinematë botërore, dhe këtë e ka bërë të ditur vet aktori përmes një fotografie të publikuar në rrjetin social Instagram.
Filmi është i zhanrit thriller/mister, ndërsa regjisorë janë: George Gallo, Luca Giliberto dhe Francesco Cinquemani.
Në postimin e bërë në InstaStory, Blerim Destani ka etiketuar edhe dy aktorët me famë botërore që janë pjesë e këtij projekti: John Travolta dhe Morgan Freeman.
Për suksesin në fjalë, aktori shqiptar është uruar nga figura të shumta publike në vend. /Telegrafi/
