Po mendoni për një kanakar shtëpiak? Konsideroni fillimisht të adoptoni një qen, jo ta blini te rritësit e tyre
Adoptimi është gjithmonë një opsion më human sesa inkurajimi i rritësve të tyre për të riprodhuar gjithnjë e më shumë qen, kur ka kaq shumë kafshë të braktisura që sorollaten rrugëve.
Mirëpo, vitet e fundit edhe qentë e racës së pastër përfundojnë në rrugë, kur pronarët e tyre “ngopen” me ta, transmeton Telegrafi.
Këto janë arsyet kryesore pse adoptimi i një kafshe shtëpiake duhet të jetë opsioni juaj:
1. Do të shpëtoni një jetë dhe do t’i siguroni rehati
Vlerësohet se çdo vit miliona qen dhe mace përfundojnë në eutanazi në mbarë botën, thjesht sepse shumë kafshë shtëpiake përfundojnë në strehimore dhe shumë pak njerëz e konsiderojnë adoptimin kur kërkojnë një kafshë shtëpiake. Numri i kafshëve që përfundojnë në eutanazi mund të reduktohet në mënyrë dramatike nëse më shumë njerëz adoptojnë kafshë shtëpiake në vend që t’i blejnë ato. Kur adoptoni qen dhe mace, ju shpëtoni një kafshë të dashur duke e bërë atë pjesë të familjes suaj dhe duke hapur një vend strehimi për një kafshë tjetër që mund të ketë nevojë dëshpërimisht për të.
2. Sepse ju do të merrni një kafshë të mrekullueshme
Hulumtimet kanë treguar se kafshët e adoptuara sillen në mënyrë më mirënjohëse sesa kafshët e racës së pastër që i blini te një rritës i tyre. Strehimoret e kafshëve dhe grupet e shpëtimit janë plot me kafshë shtëpiake të lumtura dhe të shëndetshme që presin t’i marrë dikush në shtëpi. Shumë prej tyre tashmë janë të trajnuara për të jetuar në shtëpi dhe janë mësuar të jetojnë me familje.
3. Nuk kushton asgjë
Disa raca qensh arrijnë shifra vërtet marramendëse dhe duket se çmimi i qenve po rritet gjithnjë e më shumë me kalimin e viteve. Ndryshe nga qentë e racës së pastër, qentë e adoptuar nuk kushtojnë asgjë! Ata thjesht kërkojnë vullnet të mirë dhe ju mund të keni një kafshë në shtëpi menjëherë.
4. Sepse është një nga mënyrat për të luftuar kundër “industrisë masive”
Nëse blini një qen nga një dyqan kafshësh shtëpiake ose direkt nga rritësit e tyre, rrezikoni të merrni një qen të kryqëzuar, hibrid. Dmth janë qen që nuk kanë erë dhe nuk sëmuren. Mirëpo, qentë “nga rruga” janë shumë më rezistent në këtë kuptim sesa qentë e racës së pastër.
5. Duke adoptuar, ju nuk po ndihmoni vetëm një kafshë
Strehimoret e mbingarkuara marrin çdo vit miliona kafshë endacake, të dhunuara dhe të humbura, dhe duke adoptuar një kafshë ju lini vend për të tjerët. Jo vetëm që po u jepni një shans të dytë më shumë kafshëve, por gjithashtu po i jepni një shembull mjedisit tuaj se çfarë duhet të bëjnë ato.
6. Birësimi do të ndryshojë gjithë jetën e dikujt
Ndërsa adoptimi i një kafshe mund të jetë vetëm një pjesë e ndryshimit të botës tuaj, për atë kafshë shtëpiake ju do të jeni e gjithë bota. /Telegrafi/