Një grua 52 vjeçare nga Prishtina është bërë nënë për herë të parë.
Lajmin e bëri të ditur përmes një postimi në rrjetin social në Facebook, ministrja e Shëndetësisë, Ogerta Manastirliu.
Manastirliu tha se nëna e foshnjës (gjinia femër) është infermiere në Prishtinë.
“Lajm i bukur. 52 vjeçarja, infermiere në Prishtinë bëhet nënë për herë të parë në Maternitetin ‘Koço Gliozheni’, në Tiranë. Alea e vogël e ka fituar betejën për jetën, duke i sjellë një gëzim të pa përshkruar nënës së saj dhe të gjithë stafit të terapisë intensive, që bëjnë një punë fantastike me të porsalindurit, duke shpëtuar jetë”, ka shkruar Manastirliu. /Telegrafi/
