Sot (e premte), Kosova kremton 15 vjetorin e Pavarësisë së Kosovës.
Ishte 17 shkurti i vitit 2008 kur ajo shpalli sovranitetin e saj dhe bashkësia ndërkombëtare u njoh me shtetin më të ri në botë.
Për nder të 15 vjetorit të Pavarësisë, janë organizuar manifestime të shumta për të shënuar jubileun e Pavarësisë.
Ambasada e Kosovës në Mbretërinë e Bashkuar ka organizuar një ndejë me rastin e ditës së Pavarësisë së Kosovës, ku të ftuar kanë qenë figura të shumta publike, kryesisht të njohur në Londër.
Pjesë e eventit kanë qenë edhe prindërit e këngëtares shqiptare me famë botërore, Rita Ora, Vera dhe Besnik Sahatçiu Ora.
Lajmin e ka bërë të ditur mamaja e këngëtares, Vera, e cila ka publikuar një fotografi të çiftit në rrjetin social Instagram.
“Faleminderit për pritjen e mrekullueshme Ambasadorit Kosovar për 15 vjetorin të Pavarësisë së Kosovës dhe jam këtu për të festuar”, shkroi Sahatçiu Ora në Instagram.
Rita në anën tjetër nuk i kurseu urimet e saj për Ditën e Pavarësisë së Kosovës në rrjetin social Instagram. /Telegrafi/
