Primoz Gliha nuk do të jetë më përzgjedhës i Kosovës, me slloveni që u largua pasi kontrata e tij me FFK-në ka përfunduar më mbylljen e këtij cikli eliminator.
Slloveni ishte i katërti që mori drejtorin drejtimin e Kosovës, pas pranimit, por që nuk arriti të bëjë realitet ‘ëndrrën’ atë të Euro 2024.
Dy përzgjedhës ishin në epokën e Fadil Vokrrit, dy të tjerë në epokën e Agim Ademit.
Albert Bunjaki ishte i pari që drejtoi ‘Dardanët’, për një palë eliminatore, pasi që ishte në krye që nga viti 2009 deri në vitin 2017.
Nën drejtimin e tij Kosova i zhvillonte ndeshjet në Shkodër, pasi në atë kohë nuk kishim as stadium të pranuar. Ky i fundit drejtoi Kosovën në 10 ndeshje, ku mori vetëm një barazim dhe nëntë humbje.
Pas tij në drejtimin e Kosovës, erdhi Bernard Challandes, apo përzgjedhësi më jetë gjatë në krye të Kosovës. Ai i drejtoi Dardanët për tri vite nga 2017 deri në 2020, ku kishte 37 ndeshja.
Zvicerani që iu afrua kualifikimit mori 16 fitore, 3 barazime dhe 13 humbje.
Pas tij ishte radha e francezit Alain Giresse, i cili ishte në krye të Kosovës për 14 ndeshje, me rezultate aspak të mira. 4 fitore, 6 barazime, 4 humbje ishte bilanci i tij.
Ai i nisi keq këto eliminatore për Euro 2024, duke marr vetëm tri pikë nga katër ndeshje, për tu shkarkuar pastaj.
I fundit në krye ishte Primoz Gliha, i cili edhe më parë e kishte drejtuar Kosovën në një ndeshje me Greqinë që u mbyll baras 0-0,
Ai në 6 ndeshje mori 2 fitore, 2 barazime dhe 1 humbje, për tu larguar sot.
Në deklaratën për media ku shkruhej se Gliha është larguar, nënvizohej fakti që tashmë ka filluar puna për të gjetur përzgjedhësin e ri.
Ky i radhës që do vije, me ambientin e krijuar, do të ketë shumë punë, por ajo kryesorja është kualifikimi i Kosovës në Kampionatin Botëror 2026. /Telegrafi/