Pranoi topin në mesfushë, për të fituar penallti për Wolvesin – vrapimi i ‘çmendur’ i Adama Traores ndaj Sevillës

Adama Traore tashmë njihet si një lojtar shumë i shpejtë dhe me një fizik shumë të ndërtuar.

Sulmuesi i Woverhampton Wanderers i ka treguar edhe një herë cilësitë e tij, tani në çerekfinale të Ligës së Evropës ndaj Sevillës.

Traore pranoi topin nga një bashkëlojtar në minutë e 11-të, duke bërë një vrapim të shpejtë drejtë portës së skuadrës spanjolle.

Por, kur hyri në zonën e rreptësisë, një anëtar i Sevillës e rrëzoi atë, duke bërë që të akordohej penallti për Wolvesin.

Raul Jimenez (13′) e qoi huq të gjithë mundin e Traores, pasi nuk arriti të mposhte portierin e Sevillës, Bono, që i priti penalltinë. /Telegrafi/