Një aksident i rëndë ka ndodhur në qytetin e Elbasanit në orët e para të mëngjesit.
Një makinë është përplasur me trafikndarësen dhe ka shpërthyer në flakë. Në vendngjarje ka shkuar policia dhe zjarrëfiksja e ndërsa drejtuesi i mjetit ka arritur të dalë nga makina pa pësuar dëmtime, raporton Euronews Albania.
Ngjarja ka ndodhur rreth orës 05.00 të mëngjesit në unazën jugore të qytetit të Elbasanit. Makina është përplasur me një trafikndarëse që shërben në vendin ku prej muajsh po ndërtohet një nënkalim që lidh qytetin me varrezat.
Grupi hetimor dhe policia ndodhen në vendngjarje dhe po punojnë për zbardhjen e rrethanave të aksidentit. /Telegrafi/