Një video e një punonjësi të Amazon është bërë virale në rrjetet sociale, për shkak të përkushtimit të tij ndaj punës, dhe këmbëngulësisë që të dorëzojë pakon në destinacionin e duhur.
Shoferin dhe njëherit dorëzuesin e mallrave të porositura nga klientët në dyqanin online të Amazon, për pak sa nuk arritën ta ndalin as policët që kishin rrethuar një zonë të caktuar në të cilën ai insistonte të futej dhe të dorëzonte pakon.
Ai shihet në videon e publikuar më poshtë duke ecur në një zonë të gjelbëruar, pavarësisht se kishte forca të shumta dhe zona ishte rrethuar me shirit nga policia.
Dukej se bëhej fjalë për një person që kërcënonte të pranishmit dhe kishte probleme mendore. Kjo kishte alarmuar policinë që kishin rrethuar zonën dhe negocionin me të dorëzimin.
Megjithatë punonjësit të Amazon kjo nuk i bëri përshtypje dhe dukej i vendosur që ta dorëzojë në destinacion pakon, për të cilën kishte bërë dhjetëra kilometra.
Ngjarja ka ndodhur në Cary të Karolinës së Veriut, ndërsa pamjet e punonjësit të Amazon shpejt u bënë virale. /Telegrafi/
