Marco Verratti pati një paraqitje mbresëlënëse në fitoren 1-0 të Paris Saint-Germain ndaj Real Madridit në Parc des Princes në kuadër të 1/8 së finales në Ligën e Kampionëve.
Mesfushori italian ishte aq i mirë në paraqitjen e tij të fundit në kryeqytetin francez, saqë e la shokun e skuadrës Neymar të mahnitur.
30-vjeçari e krahasoi bashkëlojtarin me Xavi Hernandez dhe Andres Iniesta gjatë kohës së tij te Barcelona, por ai e vendosi Verrattin në të njëjtin nivel.
Mbrëmë, Verratti solli atë lloj performance që justifikoi pse Neymar e vlerëson atë. Kundër Casemiro, Toni Kroos dhe Luka Modric, ishte ish-lojtari i Pescaras që drejtoi ndeshjen.
Ai ishte aq i qetë sa herë që kishte topin, duke u kthyer dhe duke u dribluar me aq lehtësi sa impresionoi edhe ata që e shikuan takimin.
Gjeniu i mesfushës bëri një sërë pasimesh të bukura për lojtarë si Lionel Messi dhe Angel Di Maria, por gjithashtu përmbushi detyrat e tij mbrojtëse dhe nuk kishte frikë të bënte ndërhyrje të rëndësishme. /Telegrafi/
Marco Verratti vs Real Madrid from OffthingsFootball on Vimeo.
Marco Verratti vs Real Madrid pic.twitter.com/aWI4pIkZdj
— PSG Comps (@CompsPSG) February 16, 2022