Michael Owen ka lënë jashtë një nga lojtarët më të vlerësuar në Ligën Premier këtë sezon, pasi ai zgjodhi 11-tën e tij startuese të Anglisë për Euro 2024.
Ish-sulmuesi i Anglisë, i cili shënoi 40 gola në 89 paraqitje për Tre Luanët, iu dha detyra e pashmangshme për të zgjedhur një formacion titullar për turneun e kësaj vere.
Ashtu si shumë prej nesh që shikonin në shtëpi, Owen shkoi me Jordan Pickford në portë përpara se të zgjidhte Kyle Walker, Luke Shaw, Harry Maguire dhe John Stones në katërshen mbrojtëse.
Declan Rice, një tjetër zgjedhje e njohur, gjithashtu u shfaq në mesfushë së bashku me Phil Foden dhe Jude Bellingham, por ishte linja e tij e sulmit që ngjalli më shumë debat në internet.
Sulmuesi anësor i Arsenalit, Bukayo Saka, i cili ishte njëri nga më të vlerësuarit e këtij sezoni është lënë jashtë nga Owen që ka vendosur Cole Palmer dhe Anthony Gordon para tij.
“Duhet të gjej një vend për Cole Palmer. Unë do ta vendos atë si krahun tim të djathtë dhe Anthony Gordon si krahun tim të majtë. Gjithashtu do të zgjidhja Harry Kane në qendër”, ka thënë fillimisht Owen.
Anthony Gordon over Bukayo Saka? 🤔@themichaelowen provides us with his England starting XI for the Euros this summer 👕 pic.twitter.com/GvygsjkCa0
— Football on TNT Sports (@footballontnt) May 23, 2024
“Natyrisht që ju mund të ndryshoni gjatë turneut. Ju mund të sillni Sakan në të djathtë, të vendosni Palmer ose Foden në të majtë. Por, unë duhet të gjej një vend për Palmer. Duhet të gjej një vend për Foden dhe unë me të vërtetë dua të luaj me atë në anën e majtë”.
“Kjo është lista ime e dëshirave. Ai ekip mund të ndryshojë, do të ndryshojë. Por unë mendoj se mund të ndryshojë vetëm me dy ose tre lojtarë. Por, personalisht mund ta imagjinoj vetëm hyrjen e Sakës. Njerëzit do të argumentojnë se Gordon nuk duhet të fillojë, por mua më pëlqen të kem ritëm atje”, përfundoi anglezi. /Telegrafi/