Inara Hajdari një vajzë 11-vjeçare nga Podujeva, që është në klasën e pestë, ka arritur të shkruajë dhe botojë librin e saj të parë me popezi, që titullohet “Thurjet e para”.
Në një intervistë për Telegrafin, Inara Hajdari autorja e vogël e librit tregoi se si kishte filluar të shkruaj, madje ajo tregoi se mban mend edhe poezinë e saj të parë të cilën ia kishte kushtuar gjyshes së saj.
“Unë kam filluar duke i shkruar disa vargje, pastaj ia kam treguar gjyshes. Ajo më ka thënë pse nuk po i mbledhë në një fletore dhe këto vargje mundesh me i transmetua në një libër. Poezia ime e parë ishte gjyshja ime, ia kam dedikuar gjyshes sime”, u shpreh ajo.
Ndërsa, familjarët e saj nuk mbahen dot nga emocionet kur flasin për vogëlushen e tyre, gjyshja e saj Mirsime Hajdari, tregon për Telegrafin se si e kishe vërejtur talentin e mbesës së saj.
“Unë e vërejta Inaren qysh herët diku nga mosha 5 vjeçare që ka talent. Edhe filloi me thurë vargje, vinte mi thoshte mua drejtë për drejtë. Ka qenë ideja ime i kam thënë Inara po m’ duket se ke prirje për shkrim, vazhdo të shkruar por ti mbash në fletore dhe nuk i dihet një ditë mund edhe ta botosh një libër”, tha ajo.
Gjithashtu ky sukses i mbesës së saj e bën atë të ndihet më krenare se kurrë.
“Shumë krenare.Shumë emocionuese. Shumë të lumtur, në një mënyrë që kjo ka mbërri të bëhet ndoshta poetja më e re”, përfundoi Mirsine Hajdari./Telegrafi/
