Një zemër dashurie e bërë nga delet: Kështu e kujtoi fermeri australian, tezen e tij që vdiq – pasi nuk mund ta takonte

Një fermer delesh i bllokuar në New South Wales i cili nuk ishte në gjendje të merrte pjesë në funeralin e tezes së tij ka bërë diçka të veçantë për të nderuar atë.

Sipas medieve të huaja, përcjell Telegrafi, për të “nderuar kujtimin e saj” ai ka bërë diçka që rrallë kush do ta mendonte: një zemër dashurie e bërë nga delet.

Ben Jackson nga Guyra nuk mund të arrinte në Brisbane për të qenë me tezen e tij gjatë momenteve të saj të fundit pas një lufte dyvjeçare me kancerin që filloi në fillimin e pandemisë.

“Fatkeqësisht, ajo nuk ia doli”, tha Jackson. “Në ato kohë pikëllimi, ndiheni vërtet të pafuqishëm, nuk dini çfarë të bëni, çfarë të thoni”.

Jackson tha se ideja për zemrën i erdhi atij ndërsa ai ishte duke ushqyer delet e tij “me ushqim shtesë” pasi ato janë “shtatzënë”.

Në fakt për të bërë zemrën u deshën “tre ose katër” përpjekje, tha Jackson, me përpjekjet e tij fillestare që dolën më pak se të dëshirueshme. /Telegrafi/