Nga 06 shtatori deri më 11 shtator në qytetin e Mitrovicës do të mbahet festivali “Mitrovica Guitar Days”.
Ky është edicioni i gjashtë i festivalit “Mitrovica Guitar Days”, i cili është një festival i përvitshëm që bashkon gitaristë të klasit vendor dhe botëror, shkruan Telegrafi.
Gjatë ditës së sotme, ky festival ka publikuar agjendën zyrtar për këtë edicion.
“Bëhuni gati për një javë të mbushur me performanca të gitaristëve të klasit botëror, masterklase dhe evente të tjera”, thuhet në njoftim.
Bëhet e ditur se këto koncerte do të mbahen në Muzeun e Mitrovicës duke filluar nga ora 19:30. /Telegrafi/
