Përzgjedhësi i Spanjës, Luis de la Fuente, ka fituar besimin e lojtarëve dhe tifozëve pas dy ndeshjeve të shkëlqyera kundër Kroacisë dhe Italisë, ndërsa tani ai do fitore edhe ndaj Shqipërisë.
Edhe pse fitoi Ligën e Kombeve, kishte ende shumë dyshime për de la Fuente, por me kalimin e grupit di lider, besimi në të është i madh në Spanjë.
De la Fuente deklaroi se ata që ekipi i tij dhe ai i konsiderojnë më të mirët do të luajnë ndaj Shqipërisë, kur u pyet për rotacionin që pritet t’i bëjë ekipit. Ai theksoi se do të bëjë vetëm ato ndryshime që ai i sheh të arsyeshme.
“Ne jemi të rrezikshëm dhe kemi prestigj, ndaj do t’i qasemi ndeshjes sikur të ishte e fundit e kësaj gare. Ne duam të fitojmë çdo ndeshje. Nesër mendojmë për të fituar”.
“Ne jemi me këmbë në tokë. Mendoj se Shqipëria është një ekip i madh. Për ne nuk është çudi kjo që po bëjnë. Ne do të bëjmë ndryshimet që i shohim të arsyeshme. Ne do të bëjmë ekipin më konkurrues për këtë ndeshje”, deklaroi De la Fuente.
🗣️ Luis de la Fuente, seleccionador nacional: “Mañana nos jugamos mucho: prestigio, reconocimiento y seguir mejorando”.
➡️ “Vamos a plantear el partido como si fuese el último porque queremos ganar todos y así lo vamos a plantear”.#VamosEspaña | #EURO2024 pic.twitter.com/xfbZfUVMzY
— Selección Española Masculina de Fútbol (@SEFutbol) June 23, 2024
Shqipëria dhe Spanja takohen nesër (e hënë) nga ora 21:00 në Dusseldorf. /Telegrafi/