Babai nuk është duke e lejuar të birin për të luajtur me përfaqësuesen e vendit të tij në Lojërat Olimpike Rio 2016-të.
Mund të ndodhë edhe kështu. Bëhet fjalë për Jordan Larsson djalin e ish sulmuesit të Barcelonës, Henrik Larsson. Ky i fundit nuk e ka lejuar të birin 19-vjeçar të jetë pjesë e kombëtares suedeze U-23 në Olimpiadë duke i shuar ëndrrën.
Vendimi i Henrik Larsson megjithatë e ka një arsye. 44-vjeçari prej vitit 2015 ndodhet në drejtimin e skuadrës së famshme suedeze Helsinborg ndërsa djali Jordan luan si sulmues te ekipi që trajner është babai i tij.
Për të shpjeguar zgjedhjen e tij Henrik Larsson deklaroi: “E kuptoj që ky është një vendim që penalizon Jordanin, por momentalisht në skuadër kemi pak sulmues dhe unë kam nevojë për shërbimet e djalit tim”.
“Edhe pse i zhgënjyer Jordan e ka kuptuar situatën në të cilën ndodhemi”, deklaroi ish sulmuesi i përfaqësueses së Suedisë. Përpara vjen klubi pastaj kombëtarja olimipike shtoi në përfundim Henrik Larsson.
Në Lojërat Olimpike që do të mbahen në Brazil janë të shumtë futbollistët që nuk janë lejuar nga klubet respektive për të qenë pjesë e kombëtareve olimpike. Emrat më të njohur janë ata të Paulo Dybalas dhe Mauro Icardit që nuk i janë bashkuar dot Argjentinës.