Katër skuadra kanë mbetur në garë në turneun e CS:GO në Uashington.
Gara vazhdon të bëhet edhe më interesante, ku tani katër skuadra do të përballen ndaj njëra tjetrës për çmimin e madh të vendit të parë.
Befasia e këtij turneu ishte ekipi Imperial, të cilët kanë arritur në gjysmëfinale dhe do të përballen me Heroic, sot (e shtunë) duke filluar nga ora 19:00.
Në gjysmëfinalen tjetër do të shohim derbin ndërmjet Vitality dhe G2, duke filluar nga ora 22:45.
Në këtë turne skuadrat po garojnë për një grup çmimesh prej 425.000 dollarësh, ku 200.000 prej tyre shkojnë për vendin e parë.
Gjithashtu vendi i parë do të sigurojë pjesëmarrjen në turneun BLAST Premier World Final 2023. /Telegrafi/