Fituesja e Miss Shri Lanka mbeti me “kokë të lënduar”, kur Miss World ia largoi kurorën dhe pretendoi se nuk i takon asaj fitorja në garën për më të bukurën – kjo pasi është e shkurorëzuar.
Garuesja Pushpika De Silva, 31-vjeç, ishte zgjedhur fitues e titullit gjatë viteve 2020/2021 në ceremoninë që u mbajt në Nelum Pokuna Mahina Rajapaksa dhe transmetohej drejtpërdrejtë nga televizionet, transmeton Telegrafi.
Por Caroline Jurie, 28-vjeçe që kishte fituar kurorën në vitin 2019 dhe aktualisht mbante deri në ato momente titullin e “Miss World”, ia rrëmbeu kurorën nga koka në një intervenim bizar.
Por asaj iu rikthye titulli dhe kurora, pasi organizatorët e eventit konfirmuan se ajo nuk është e shkurorëzuar.
Jurie me mikrofon në dorë i ishte drejtuar audiencës: “ekziston rregulli që ndalon femrat që tashmë janë martuar dhe shkurorëzuar, kështu që propozoj që kurora t’i kalojë vendit të dytë”.
Pas këtij veprimi ajo i vërsulet De Silvas që kishte kurorën në kokë, që ia rrëmben dhunshëm derisa ajo mbante një buqetë me ule në dorë.
Organizatorët i kanë kërkuar falje De Silvas që fitoi titullin Miss Shri Lanka dhe menjëherë ia kanë rikthyer kurorën.
De Silva e cila thotë se është e ndarë por jo e shkurorëzuar, ka shkruar në profilin e saj në Facebook se: “të jetosh ndarazi dhe të jesh e shkurorëzuar, janë dy gjëra plotësisht të ndryshme”.
Ajo madje ka pranuar se ka kërkuar ndihmë nga mjekët pas lëndimeve që i kishte shkaktuar Jurie, derisa tentonte t’ia rrëmbente nga koka kurorën. /Telegrafi/