Ministria e Financave, Punës dhe Transfereve njofton se më 22 shkurt do të mbahet ankandi i dytë për vitin 2022 i letrave me vlerë.
Në këtë ankand, do të emetohen obligacione me maturitet 10 vjeçar në shumën prej 15 milionë euro.
“Investimi në obligacione është investim i sigurt, i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen (10 vite) dhe është tërësisht i liruar nga tatimi”, thuhet në njoftimin e Ministrisë së Financave.
Ministria thotë se për detaje rreth pjesëmarrjes në ankande për blerjen e letrave me vlerë duhet të kontaktohet ndonjërën nga bankat komerciale që operojnë në Kosovë. /Telegrafi/
