Kryetari i Leposaviqit, Lulzim Hetemi, i kashkuar për vizitë të paparalajmëruar kryetarit të Zubin Potokut, Izmir Zeqiri.
Këtë e ka bërë të ditur vetë Zeqiri, i cili ka theksuar se gjatë këtij takimi kanë pasur rastin të takojnë edhe disa qytetarë serbë.
“Sot pata kënaqësinë ta kemi në vizitë Kryetarin e Leposaviqit z.Lulzim Hetemin…. ishte një befasi e këndshme e paparalajmëruar… dhe gjithashtu më pastaj një takim i pritur me Ministrin z.Nenad Rashiq me bashkëpunëtor…ku patëm rastin të takojmë një pjesë të qytetarëve Serb”, ka shkruar Zeqiri në Facebook.
Ndryshe Zeqiri gjatë ditës ka thënë se nuk sheh disponim të qytetarëve për ndonjë peticion që do ta largonte atë nga detyra e të parit të Zubin Potokut.
Duket se qytetarët, po flas për shumicën serbe, janë të interesuar më tepër për punësime dhe zhvillim dhe ndihmë në forma të ndryshme sesa për peticione. Unë mendoj që peticioni nuk do të ketë sukses dhe do të dështojë në këtë drejtim”, ka thënë Zeqiri në Dukagjini./Telegrafi/
