Ashtu si Kaka dhe Cristiano Ronaldo, Karim Benzema fitoi Topin e Artë nën urdhrat e Carlo Ancelottit pasi ngriti Ligën e Kampionëve dhe u bë golashënuesi më i mirë në kompeticion atë vit.
Strategu italian ka punuar me disa nga lojtarët më të mirë gjatë gjithë karrierës së tij dhe katër prej tyre fituan Topin e Artë ndërsa stërviteshin nga ish-trajneri i Milanit, Parmës dhe Juventusit.
Andriy Shevchenko ishte i pari në vitin 2004. Ish-sulmuesi ukrainas ishte Capocannoniere në Serie A në 2003-04 dhe 24 golat e tij në 32 ndeshje ndihmuan kuqezinjtë të fitonin titullin. Ata gjithashtu fituan Superkupën e UEFA-s dhe arritën në çerekfinale të Ligës së Kampionëve.
Ata e kishin fituar trofeun në 2002-03, duke mundur Juventusin në Old Trafford, por ylli i Bianconerëve, Pavel Nedved, iu dha çmimi atë sezon.
Fituesi i dytë i Topit të Artë nën Ancelottin, një tjetër ish-yll i Milanit, ishte Kaka.
Ish-ylli brazilian ishte lojtari më i mirë i vitit 2007, një vit tjetër që pa Milanin e Ancelottit të pushtonte Kupën me Veshë të Mëdhenj. Kaka ishte golashënuesi më i mirë i Ligës së Kampionëve me 10 gola në 15 paraqitje atë sezon.
Një tjetër fitore e Ligës së Kampionëve solli një Top të Artë të tretë për një nga lojtarët e Ancelottit. Në 2013-14 skuadra e tij Real Madrid fitoi La Deciman dhe ishte Cristiano Ronaldo që mori trofeun në duart e tij, falë 51 golave të tij mbresëlënës në 47 ndeshje në të gjitha garat.
Ashtu si Kaka, ai ishte golashënuesi më i mirë në kompeticionin elitar të Evropës atë sezon me 17 gola në 11 ndeshje dhe e njëjta gjë vlen edhe për Benzeman vitin e kaluar. Sulmuesi francez shënoi 15 gola në 12 ndeshje të Ligës së Kampionëve në sezonin 2021-22, duke ndihmuar Real Madridin të ngrinte kupën për herë të 14-të në histori, e dyta nën drejtimin e Ancelottit. /Telegrafi/
