Alexis Sanchez beson se bashkëlojtarëve të tij u mungon lakmia për të fituar tituj rregullisht.
Djelmoshat e Arsene Wengerit dje humbën rastin për t’iu afruar Leicester Cityt në tabelë pasi u mposhtën nga Swansea City, për të mbetur gjashtë pikë prapa liderit.
Humbjet nga Barcelona dhe Manchester Unitedi e kanë kërcënuar Arsenalin se sivjet mund të mbesë pa asnjë trofe.
Pak ditë para derbit londinez mes Arsenalit dhe Tottenhamit, përfaqësuesi kilian ka thënë se bashkëlojtarët e tij nuk e kanë mentalitetin e duhur për të fituar titullin.
“Mendoj se mund ta fitojmë Premier Ligën e lojtarët që kemi”, ka thënë Alexis Sanchez për Directv Sports. “Kjo është keq, na mungon lakmia. Ne duhet të hyjmë në fushë si të kishte qenë rezultati 1:0 disavantazh”.