Real Sociedadi pritet ta humbasë Robin Le Normand dhe Mikel Merinon me dyshen që pas paraqitjeve të mira në Euro 2024, do të largohen nga ‘Reale Arena’.
Megjithatë, duket se këto nuk do të jenë dy largimet e vetme nga Sociedadi këtë verë, pasi ata tashmë mund të gjenerojnë edhe më shumë para.
Gazeta japoneze Sponichi, ka raportuar se Liverpooli po bën gati një ofertë prej 65 milionë eurosh për të nënshkruar me Takefusa Kubon.
23-vjeçari po shihet si zëvendësuesi afatgjatë i Mohamed Salah, e ardhmja e të cilit në ‘Anfield’ ka mbetur krejtësisht e paqartë.
Kubo ishte njëri prej lojtarëve më të mirë në La Liga në muajt e parë të sezonit të kaluar, para se një lëndim në këmbë t’ia limitojë minutat në pjesën e dytë të sezonit.
Ani pse klauzola e lirimit të Kubos tek Sociedadi është 60 mlionë euro, Liverpooli pritet të paguajë më shumë se kaq dhe me këste, në mënyrë që të mos e paguajnë të gjithë shumën menjëherë.
Liverpooli ka vijuar përgatitjet për sezonin e ri nën urdhrat e Arne Slot i cili ka zëvendësuar Jurgen Kloppin në stol pas pothuajse një dekade./Telegrafi/