Liverpooli ka marrë një lajm të mirë në përpjekjet e tyre për të transferuar Riccardo Calafiorin me Bolognan që është seriozisht e interesuar për lojtarin e harruar të Liverpoolit i cili mund të transferohet në Itali.
Arne Slot po përgatitet për sezonin e tij debutues tek Liverpooli, ndërsa klubi anglez ende nuk ka kompletuar ndonjë transferim.
Lverpooli me shumë gjasë nuk do të nxitojë në këtë afat kalimtar, por tashmë janë lidhur me një transferim të mundshëm të sensacionit italian Riccardo Calafiori, përkundër faktit që Juventusi po udhëheq garën për transferimin e tij.
Calafiori ka qenë njëri ndër lojtarët më të dalluar deri më tani në Euro 2024, veçanërisht për tifozët anglezë të cilët nuk kishin pasur njohuri paraprake për yllin italian.
Mbrojtësi i Bolognas ishte i shkëlqyeshëm në ndeshjet ndaj Shqipërisë dhe Kraocisë ndërsa pati paraqitje të mirë edhe ndaj Spanjës, ndonëse shënoi autogol.
Sipas Daily Mail, Bologna është shumë e interesuar për transferimin e Sepp Van Den Berg si një zëvendësim direkt të Calafiorit në rast largimi.
Liverpooli e vlerëson mbrojtësin rreth 20 milionë euro pas sezonit të tij impresiv në formë huazimi tek Mainzi, aty ku pati 33 paraqitje duke shënuar tre gola./Telegrafi/