Shqipëria është mysafir i Lihtenshtajnit për ndeshjen e dytë kualifikuese për Kampionatin Botëror, ‘Rusia 2018’. Kombëtarja kuqezi e fitoi sfidën e parë kundër Maqedonisë dhe ka tri pikë në Grupin G. Telegrafi ju mban të informuar drejtpërdrejtë për këtë sfidë të rëndësishme të Kombëtares shqiptare.
83′ Hysaj tenton me një goditje nga jashtë zonës, por topi përfundon jashtë.
70′ GOOOOOOOOOLL. Hysaj harkon në zonë dhe me kokë shënon Balaj për 2-0.
69′ Balaj gjuan bukur, por portieri bën super pritje.
68′ Del Llullaku, futet Cikalleshi.
54′ Gjuan bukur Lila, por jashtë.
52′ Buchel tenton me një goditje të rrezikshme nga jashtë zonës, por topi kalon shumë pranë shtyllës.
46′ Andi Lila merr vendin e Amir Abrashit. Zëvendësimi i dytë i Shqipërisë.
Fillon pjesa e dytë
45+2′ Është mbyllur pjesa e parë me rezultat 1-0 në të mirë të Shqipërisë.
45′ Janë dhënë 2 minuta lojë shtesë.
44’ De Biazi kryen zëvendësimin e parë. Migjen Basha aktivizohet në vendin e Burim Kukelit i cili pësoi një dëmtim në gju.
37′ Roshi përsëri rrezikon, gjuan bukur, por portieri mbron.
29′ Aliji ekzekuton një goditje dënimi duke e krosuar topin në zonë, por goditja me kokë e Gjimshitit përfundon jashtë.
28′ Roshi gjuan bukur, por bllokohet nga një mbrojtës.
24′ Roshi në top formë. Harkon bukur dhe e gjen Llullakun të vetëm që nuk qëllon në portën e zbrazët.
12′ GOOOOOOOLLLLLL. Lojë e bukur nga Aliu në të majtë që dërgon topin në zonë i cili pasohet me kokë nga Roshi për Hykën që shënon për 1-0. Shqipëria në epërsi.
9′ Kërkohet penallti, por gjyqtari jep goditje këndi. Rrezikoi Llullaku.
Momenti pas himnit të flamurit
1′ Fillon ndeshja
Formacionet zyrtare, Lihtenshtajn – Shqipëri
Tashmë janë publikuar formacionet zyrtare të Lihtenshajtn – Shqipëri.
Sulmi i është besuar Bekim Balajt, i ndihmuar nga Roashi dhe Azdren Llullaku.
Më poshtë keni formacionet zyrtare.
Formacioni i Shqipërisë: Berisha; Hysaj, Xhimshiti, Mavraj, Aliji; Kukeli, Hyka, Abrashi; Roshi, Balaj, Llullaku.
Formacioni i Lihtenshteinit: Jehle; Oehri, Polverino, Kaufmann, Göppel; Hasler, Wieser, Buchel; Burgmeier, Gubser, Salanovic