Janë shfaqur pamjet e trupave ukrainase duke përdorur një pajisje ‘kamikaze’ të telekomanduar, të mbushur me eksploziv për të zhdukur tanket ruse.
Luftimet janë të përqendruara kryesisht rreth rajoneve më lindore të Ukrainës, ku qyteti i Bakhmut është përfshirë në një konflikt intensiv.
Dhe disa ushtarë ukrainas në vijën e frontit po përdorin tani makina me telekomandë të mbushura me eksploziv, të njohura gjithashtu si mjete tokësore pa pilot, për të goditur objektivat ruse, sipas një videoje të shpërndarë në mediat sociale gjatë fundjavës, përcjell Telegrafi.
Pamjet, të publikuara fillimisht si pjesë e një dokumentari në YouTube për Brigadën e 3-të të Veçantë Sulmuese, duket se tregon ushtarët ukrainas që përgatisin një automjet të telekomanduar për betejë përpara se ta dërgojnë atë.
Ushtarët më pas shihen duke kontrolluar lëvizjen e automjetit në një telefon, në mënyrë që ajo të shpërthejë pranë asaj që duket të jetë një tank rus.
Përdorimi i këtyre UGV-ve u mbulua gjithashtu nga kanali pro-rus Telegram Reports i milicisë së Novorossiya ZOV, i cili argumentoi se armët ‘mund të jenë të rrezikshme për automjetet e blinduara, llogore dhe personelin’.
Më shumë informacion në lidhje me shtrirjen e përdorimit të automjeteve me telekomandë, duke përfshirë sa zotëron Ukraina dhe sa shpesh ushtarët përdorin këtë lloj arme, nuk janë dhënë nga ushtria ukrainase. /Telegrafi/