I dërguari special i Bashkimit Evropian për dialogun Kosovë-Serb, Miroslav Lajçak, ka folur pas takimit të kryeneociatorëve Besnik Bislimi dhe Petar Petkoviq në Bruksel.
Ai theksoi se është gati t’i pres sërish palët nëse tregojnë gatishmëri për të gjetur zgjidhje.
“Prita për herë të shtatë kryenegociatorët e Kosovës dhe Serbisë mbi implikimet e rregullores së BQK-së. Fatkeqësisht, palët nuk arritën të arrijnë një marrëveshje. Unë jam gati të pres sërish palët nëse ato tregojnë gatishmëri për të arritur një zgjidhje të përkohshme të pëlqyeshme reciproke”, shkroi Lajçak në rrjetin e tij social në X.
Duke folur për gazetarët pas negociatave disaorëshe, Bislimi tha se nuk pret takime të tjera për këtë temë.
Sipas tij, ndërmjetësuesi i bisedimeve, Mirosllav Lajçak, nuk do t’i ftojë më palët, pos nëse ato do të tregoheshin konstruktive.
Ky ishte takimi i shtatë mes kryenegociatorëve në muajt e fundit për këtë çështje, pasi në gjashtë takimet paraprake ata nuk arritën pajtim për ndonjë zgjidhje kompromisi.
Negociatori serb, Petar Petkoviq, tha se pala serbe doli me “gjashtë propozime të reja konstruktive”, por se “Prishtina i refuzoi të gjitha”.
“Ne nuk e kemi mbyllur derën për bisedime, sepse duam të gjejmë një zgjidhje”, tha Petkoviq.
Petkoviq nuk dha detaje se çfarë përmbajnë propozimet e palës serbe./Telegrafi/
Hosted the Chief negotiators of Kosovo and Serbia for the 7th time on the implications of the CBK regulation. Regrettably, the Parties did not manage to reach an agreement. I’m ready to host the Parties again if they show readiness to reach a mutually agreeable temporary solution https://t.co/ifIuKOojyp pic.twitter.com/w8MEYeqTcv
— Miroslav Lajčák (@MiroslavLajcak) May 15, 2024