Në ambientet e Ambasadës së Republikës së Kosovës në Dhaka të Bangladeshit, këtë të mërkurë u bë përurimi i shërbimeve konsullore.
Me këtë rast, zëvendësministri i Punëve të Jashtme dhe Diasporës, Kreshnik Ahmeti, i ka dhënë vizën e parë të lëshuar nga kjo ambasadë një shtetaseje nga Bangladeshi.
“Pas fjalës përshëndetëse nga Ambasadori z. Güner Ureya dhe Sekretari i Ministrisë së Punëve të Jashtme të Bangladeshit, z. Shabbir Ahmad Choëdhury, Zëvendësministri z. Kreshnik Ahmeti, i dha vizën e parë të lëshuar nga Ambasada e Republikës së Kosovës në Dhaka, znj.Meliha Iqbal, e cila do të marrë pjesë në Forumin për Gratë, Paqen dhe Sigurinë që do të mbahet në këtë muaj në Prishtinë”, thuhet në njoftimin për media të MPJD-së.
Të pranishëm në këtë ngjarje, ishin përfaqësues të institucioneve shtetërore të Bangladeshit si dhe ambasadorë dhe diplomatë të akredituar në Bangladesh. /Telegrafi/
