Nuk është ndër herët e para që presidenti i vendit, Hashim Thaçi, bëhet temë e mediave për aktivitetin e tij fizik.
Kjo, ngase ai ka bërë të ditur shumë herë se për të qëndruar në top formë, kujdeset që vazhdimisht që kohën e lirë ta shfrytëzojë duke ushtruar në palestër.
E një në një nga përditshmëritë e tij në fitnes, ai u kap në fotografi nga një këngëtar mjaft i njohur.
Ishte këngëtari shqiptar Korab Shqiri, i cili ka fotografuar presidentin nga dritarja, teksa ai po bënte kardio.
“Po ushtron presidenti Hashim Thaçi”, ka shkruar Korabi në mbishkrimin e fotografisë, të publikuar në InstaStory.
I njëjti ka bërë të ditur se në muajt në vazhdim do të publikojë disa projekte të reja, teksa vazhdon të jetë i angazhuar në studion e tij. /Telegrafi/