Prodhuesi i pajisjeve sportive, Adidas, ka qenë partner i Kombëtares së Gjermanisë në futboll për 70 vite, por tashm Pancerat ka vendosur të kalojnë te Nike.
Federata Gjermane e Futbollit (DFB) shkaktoi shumë bujë duke njoftuar lidhjen e partneritetit me kompaninë amerikanin Nike deri në vitin 2034.
Kjo i jepte fund një bashkëpunimi prej më shumë se 70 viteve besnikëri ndaj kompanisë bavareze Adidas.
Njoftimi vjen më pak se tre muaj para fillimit të Kampionatit Evropian, i cili do të mbahet në Gjermani nga 14 qershori deri më 14 korrik.
Kjo lëvizje ka shkaktuar debat në Gjermani, ku edhe ministrat gjermanë kanë treguar zhgënjimin.
“Vështirë se mund ta imagjinoj një fanellë gjermane pa tre shiritat e markës gjermane Adidas”.
“Adidasi dhe e zeza-kuqe-verdhë, ngjyrat e flamurit gjerman, kanë qenë gjithmonë të pandashme për mua, si pjesë e identitetit gjerman. Do të vlerësoja pak më shumë patriotizmin vendas”, ka reaguar ministri i Ekonomisë dhe zv.kancelari Robert Habeck.
Zhgënjimin e ka shprehur edhe ministri i Shëndetësisë, socialdemokrati Karl Lauterbach.
OFFICIAL: After more than 70 years with Adidas, Germany will swap sponsors.
Nike will outfit the German national teams from 2027-2034.#DFB 🇩🇪 pic.twitter.com/i73Q31KVPj
— DW Sports (@dw_sports) March 21, 2024
Ai e konsideron gabim zgjedhjen e një kompanie amerikane për pajisjen e kombëtares gjermane, duke i ardhur keq se “tregtia po shkatërron një pjesë të atdheut dhe traditës”.
“Futbolli gjerman ka qenë gjithmonë pjesë e historisë ekonomike të Gjermanisë. Kombëtarja duke luajtur me tre vija, ishte e qartë si një top i rrumbullakët dhe loja që zgjat 90 minuta”, ka thënë Markus Soder, kryeministri i Bavarisë, një rajon në Gjermania jugore ku është edhe selia e Adidas. /Telegrafi/