Bashkatdhetarët, të cilët kanë përfunduar pushimet në Kosovë, janë duke u përballur me pritje dhe kolona të gjata në vendkalimet kufitare me Serbinë.
Sipas të dhënave të fundit të publikuar nga Qendra Kombëtare për Menaxhim Kufitar (ora 18:39), kolonat më të gjata janë krijuar në pikë-kalimin kufitar në Merdar, ku qytetarët po presin deri në shtatë orë, për të dalë nga Kosova përmes kësaj pike, transmeton Telegrafi.
Situatë po thuajse e ngjashme me Merdar është edhe në vendkalimin kufitar Jarinje, dalja nga Kosova përmes kësaj pike zgjatë rreth tri orë.
Kurse në pikën kufitare Dheu i Bardhë, qytetarët janë duke pritur deri në dy orë për të dalë nga Kosova, kurse kolonat janë deri në 3500 metra.
Gjendja në vendkalimet kufitare tjera të Kosovës është më e qetë, ku hyrja dhe dalja mund të bëhet nga 3 deri 30 minuta.
Qytetarët mund të informohen në kohë reale për gjendjen në kufi duke klikuar KËTU. /Telegrafi/
