Keisi Medini dhe Kristi Aliaj kanë qenë dy emra po ashtu shumë të diskutuar në Big Brother VIP Albania.
Dyshja nisën një njohje brenda, e cila u ftoh me kalimin e kohës nga të dyja palët.
Ka qenë biondja ajo që u tërhoq nga Kristi duke thënë se nuk ndjen më për të, gjë që ndodhi menjëherë pas hyrjes së Lorenc Hasramajt në shtëpi, i cili dikur kishte pasur një lidhje me këngëtaren.
Ajo mbrëmë (e shtunë) u eliminua nga gara e BBVA, gjersa pas daljes diskutoi disa gjëra.
Artistja shqiptare theksoi se nuk e përjashton mundësinë për një njohje jashtë me Aliajn, nëse ai do t’i shkruajë i pari.
“Do pres të dalë Kristi dhe nëse ai më shkruan i pari, atëherë do të shohim”, u shpreh ajo.
Kjo ka lënë të nënkuptohet që jashtë mund të ketë diçka më shumë mes tyre. /Telegrafi/
