Kadetët e rinj të Forcës së Sigurisë së Kosovës kanë nisur zhvillimin e bazave të njohurive dhe demonstrimin praktik në lëminë e kërkim- shpëtimit dhe mbijetesës.
Në Qendrën Ndërkombëtare të Trajnimit për Kërkim- Shpëtim, ata kanë nisur të sfidohen fizikisht dhe psikikisht për reagim në kushte të motit të ashpër.
Kështu ka bërë të ditur ministri i Mrojtjes, Armend Mehaj, i cili në llogarinë e tij në Facebook ka publikuar edhe pamjet e stërvitjeve.
“Motivimi i lartë dhe angazhimi vetëmohues janë konfirmim i fuqishëm se oficerët – liderë të ardhshëm janë garanci për Ushtrinë tonë gjithnjë e më të forte”.
“Nuk ka sfidë që na ndalë në hapat tonë të çeliktë përpara!”, ka shkruar Mehaj. /Telegrafi/
