Anthony Joshua ka lëshuar një postim në llogaritë e tij në rrjtetet sociale, duke thënë se pati një anë të dobët pas përfundimit të rimeçit me Oleksander Usyk.
Boksieri britanik nuk ia doli t’i rikthente rripat në peshën e rëndë të boksit, duke u mposhtur për herë të dytë nga ukrainasi.
Përmes një njoftimi, Joshua u kërkoi falje tifozëve dhe i dëshiroi sukses Usykut:
“I uroj Usykut sukses të vazhdueshëm në kërkimin tuaj për madhështi. Ju jeni një kampion klasi”.
“Dje më duhej të futesha mendërisht në një vend të errët për të konkurruar për rripat e kampionatit! Kam pasur dy zënka, një me Usykun dhe një me emocionet e mia dhe të dyja më kanë mposhtur”.
“Unë do të jem i pari që do ta pranoj, e zhgënjej veten time. Kam vepruar nga pasioni dhe emocioni i pastër dhe kur nuk kontrollohet nuk është mirë”.
“E dua shumë këtë sport dhe do të jem më mirë që nga ky moment”. /Telegrafi/
