Presidenti i Shteteve të Bashkuara, Joe Biden, ka dërguar një mesazh urimi për të gjithë myslimanët anembanë vendit dhe botës, me rastin e fillimit të muajit të shenjtë të Ramazanit.
“Gjatë këtij muaji të shenjtë për myslimanët, Shtetet e Bashkuara rikonfirmojnë mbështetjen e tyre për komunitetet myslimane”, tha presidenti amerikan, transmeton Telegrafi.
“Do të vazhdojmë të qëndrojmë me popullin e Turqisë dhe Sirisë, të cilët humbën shumë anëtarë të familjes dhe të dashur gjatë tërmeteve të fundit shkatërruese, dhe me popullin e Pakistanit, që po rindërton jetën e tyre pas përmbytjeve të verës së kaluar”, tha Biden në një deklaratë.
Siç theksoi ai, në këtë ditë është veçanërisht e rëndësishme të kujtojmë të drejtën e përgjithshme të njeriut për të praktikuar, lutur dhe predikuar fenë në mënyrë paqësore dhe të hapur.
“Së bashku me partnerët tanë, Shtetet e Bashkuara shprehin solidaritetin me myslimanët që vazhdojnë të përballen me shtypjen, duke përfshirë ujgurët në Republikën Popullore të Kinës, Rohingya në Birmani dhe komunitetet e tjera myslimane që përballen me persekutim në mbarë botën”, shtoi Biden.
Ai gjithashtu bëri homazhe për komunitetet myslimane në të gjithë SHBA-në që kanë qenë pjesë e historisë amerikane që nga fillimi i saj.
Nga shkenca dhe teknologjia, te arti dhe akademia, te ligji dhe mjekësia, te biznesi dhe qeveria, e më gjerë. Myslimanët amerikanë vazhdojnë të forcojnë diversitetin e kombit amerikan brez pas brezi. /Telegrafi/
Jill and I wish Muslim communities here at home and around the world a blessed and prosperous month.
Ramadan Kareem! pic.twitter.com/YAC2eHXePa
— President Biden (@POTUS) March 22, 2023