Joaquin Phoenix është dashur të bëjë një transformim dramatik në fizikun e tij për ta luajtur rolin e Jokerit.
Aktori 44 vjeçar ka humbur plot 23.5 kilogramë për nevojat e filmit, ndërsa në një intervistë për Access Hollywood ka treguar për metodat që i ka përdorur që të humbte në peshë.
Phoenix ka shpjeguar se ka kërkuar ndihmë mjekësore që të dobësohej në mënyrë të sigurt – transmeton Men’s Health.
“Unë kam humbur peshë nën mbikëqyrje të mjekut, në mënyrë që të sigurohesha që i gjithë procesi të ishte në tërësi i sigurt”.
Ai i ka përgënjeshtruar pohimet se ka ngrënë vetëm molla për të humbur në peshë, ndërsa ka treguar se zvogëlimi i kalorive ka qenë metoda kryesore për humbjen e kilogramëve.
“Nuk ka qenë një mollë në ditë. Dieta ime është bazuar në shumë sallatë dhe bizele”, ka shpjeguar Phoenix. /Telegrafi/
