Pritet të jetë një javë e madhe për familjen Bellingham.
Siç u zbulua në emisionin e fundit të “Transfer Confidential”, Real Madrid do të finalizojë në ofertën e tyre për transferimin e yllit të Borussia Dortmund, Jude.
Ndërsa Sunderland po bën gati një marrëveshje për vëllain më të vogël 17-vjeçar Jobe.
Lojtari 19-vjeçar i konsideruar gjerësisht si një nga lojtarët më premtues në futbollin botëror, pritet të transferohet te gjiganti spanjoll për mbi 100 milionë euro këtë javë.
Ai u lëndua në ditën e fundit të sezonit të Bundesligës të shtunën, teksa Dortmundi barazoi 2-2 me Mainz për të humbur titullin nga rivali Bayern Munich.
Kjo nuk e pengoi atë të emërohej lojtari i sezonit në ligën e Gjermanisë të hënën.
Mesfushori i Birmingham City, Jobe u pa në ndeshjen play-off të Sunderland kundër Luton Town në fillim të këtij muaji.
Tashmë të gjithë në Angli janë në dijeni për interesimin e Black Cats për Jobe.
Dhe parashikohet që në sezonin e ri të luajë në Stadium of Light. /Telegrafi/
