Jeni në javën e 19-të të shtatzënisë dhe keni arritur pothuajse në gjysmë të rrugës
Ja çfarë mund të prisni gjatë kësaj periudhe dhe çfarë ndryshimesh përjeton bebja.
Çfarë ndodh me beben?
Zhvillimi i shqisave të bebes është në vrull të plotë! Truri i saj tani “specializohet” në nuhatje, shije, dëgjim, shikim dhe prekje. Në këtë periudhë, bebja peshon rreth 200 deri në 250 gramë, është rreth 15 cm e gjatë nga koka deri në të pasme – pothuajse sa një avokado.
Krahët dhe këmbët tani janë në proporcionin e duhur me trupin. Fillojnë të shfaqen dhëmbë të përhershëm, dhe pas tyre “sythat” të dhëmbëve të qumështit.
Gjëndrat në lëkurën e foshnjës sekretojnë një substancë yndyrore të bardhë – vernix caseosa, e ngjashme me një shtresë dylli, e cila mbron lëkurën nga acarimi dhe infeksioni dhe ka rolin e lehtësimit të kalimit të bebes përmes kanalit të lindjes, transmeton Telegrafi.
:max_bytes(150000):strip_icc()/Week_19_Primary-381be6b26e6b401f8896a3701c57f04e.gif)
Çfarë ndodh me nënën?
Gjatë kësaj periudhe, stomaku juaj është rritur me 20 për qind të madhësisë së tij të zakonshme. Si rezultat i rritjes së papritur, mund të ketë kruajtje në pjesën e poshtme të barkut ose, më shpesh, një therje e lehtë në një pjesë të barkut që ndodh gjatë ndryshimit të pozicionit ose në fund të ditës. Më shpesh, është dhimbje ligamentesh – tetivat që mbajnë mitrën janë të tendosura. Kjo nuk është asgjë alarmante, por kërkoni këshillën e mjekut, nëse dhimbja bëhet e shpeshtë ose është e pranishme edhe kur jeni duke pushuar. Një masazh i butë i ligamenteve mund të jetë i dobishëm.
Kërthiza duket krejtësisht ndryshe tani – është e fryrë dhe forma i ka ndryshuar, gjithashtu mund të shihni venat në lëkurën e stomakut. Ndryshimet në nivelet e hormoneve mund të shkaktojnë shfaqjen e njollave në lëkurë, dhe plagët, lythat, nënsqetullat, pjesën e brendshme të kofshëve dhe vulva mund të errësohen.
Vija që u shfaq nga kërthiza deri te kocka pubike quhet linea nigra (vijë e errët). Gjithashtu, për shkak të rritjes së pigmentit, ju mund të përjetoni “maskën e shtatzënisë” – njolla të errëta në buzën e sipërme, faqe dhe ballë. Këto ndryshime me siguri do të zhduken shpejt pas lindjes. Në ndërkohë, mbroni veten nga dielli sepse mund të intensifikojnë ato.
Çfarë duhet të bëni?
▪ Bëni një listë të gjërave të nevojshme. Pyesni se çfarë pajisje për fëmijë mund të huazoni nga miqtë ose të afërmit tuaj. Përfitoni nga çdo mundësi që ju ofrohet. Huazimet do ta bëjnë buxhetin tuaj shumë më të lehtë (mendoni vetëm për pelenat e shumta, qumësht, qull…). Gjërat dhe pajisjet e përdorura nga foshnjat janë përgjithësisht të ruajtura shumë mirë për shkak të kohës së shkurtër të përdorimit.
▪ Kujdesuni për dietën tuaj. Kilet e tepërta mund ta bëjnë më të vështirë mbajtjen e foshnjës si dhe vetë lindjen. Përveç kësaj, ato janë të vështira për t’u hequr më vonë. Mos harroni se dieta nuk bëhet fjalë gjatë shtatzënisë, por kjo është arsyeja pse një dietë e shëndetshme është gjithmonë e mirëpritur! /Telegrafi/