Ish kryenegociatorja Edita Tahiri ka reaguar pasi sot u mbajt Samiti i Berlinit për Ballkanin Perëndimor, në kuadër të Procesit të Berlinit.
Tahiri në një postim në Facebook shkruan se presidenti i Serbisë, Aleksandar Vuçiq nuk pati fytyrë të merr pjesë në samit, ndërkaq theksoi se “sot mori fund edhe projekti hegjemon serb Ballkani i Hapur”.
Lexoni të plotë postimin:
Vuçiqi sot nuk pati fytyrë të marr pjesë në Samitin e Procesit të Berlinit për dy arsye: e para një kërcënues i hapur i sigurisë dhe stabilitetit me mjete ushtarake nuk ka vend në një Samit që synon paqen dhe stabilitetin e qëndrueshëm në Ballkan
Dhe arsyeja e dytë është që sot mori fund projekti hegjemon serb “Ballkani i Hapur” ndërkaq definitivisht mbizotëroi Procesi i Berlinit për Ballkanin Perëndimor të gjashte vendeve WB6. Për ngarendësit e ‘Ballkanit të hapur’ që prodhoi një tandem të çuditshëm “Rama-Vuçiq’ tashmë mbaroi ky projekt i dëmshëm serbo-rus. /Telegrafi/
