Ish-mbrojtësi i Barcës dhe Juves, Caceres prezantohet te Cagliari

Cagliari e ka prezantuar transferimin e ri, Martin Caceres, derisa Keita Balde Diao është bashkuar për herë të parë në stërvitje.

Ekipi nga Sardiania e transferoi Keitan nga Monaco me parametrat zero, ndërsa klubi nga Ligue 1 do të përfitojë 25 për qind nga shitja e mëtutjeshme.

Edhe mbrojtësi uruguaian, Caceres, ishte lojtar i lirë pas përfundimit të kontratës me Fiorentinan.

Ai nënshkroi kontratë njëvjeçare me Cagliarin deri në qershor të vitit 2022.

Kujtojmë që 34-vjeçari gjatë karrierës së tij ka luajtur për klube të mëdha, si Barcelona dhe Juventus. /Telegrafi/