Ministria britanike e Mbrojtjes ka publikuar raportin e ri të pushtimit rus në Ukrainë.
Sipas inteligjencës britanike, forcat ruse po bëjnë përpjekje të mëdha në frontin rreth qytetit Bakhmut në rajonin e Donetskut.
“Plani rus është ndoshta të rrethojë qytetin me një avancim taktik në veri dhe jug”, shkruajnë britanikët.
Ditët e fundit, Rusia ka bërë pak përparim në aksin jugor të këtij sulmi.
Latest Defence Intelligence update on the situation in Ukraine – 03 December 2022
Find out more about the UK government's response: https://t.co/Agl34uAcBo
🇺🇦 #StandWithUkraine 🇺🇦 pic.twitter.com/5Zv0s649gC
— Ministry of Defence 🇬🇧 (@DefenceHQ) December 3, 2022
“Rusia e ka bërë prioritet Bakhmutin si përpjekjen e saj kryesore sulmuese që nga fillimi i gushtit 2022. Marrja e qytetit do të kishte vlerë të kufizuar operacionale, megjithëse do të lejonte Rusinë të kërcënonte zona më të mëdha urbane si Kramatorsk dhe Slovyansk”, shkruan në raportin e inteligjencës britanike.
Megjithatë, oficerët e inteligjencës britanike theksojnë se kjo fushatë është në mënyrë disproporcionale e shtrenjtë në krahasim me përfitimet e mundshme.
“Ekziston një mundësi reale që kapja e Bakhmut të jetë bërë kryesisht një qëllim simbolik, politik i Rusisë”, shtojnë ata.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të këtij viti. /Telegrafi/