Goncalo Guedes mund të largohet nga Valencia pas dy viteve qëndrim tek klubi spanjoll.
Mesfushori portugez ka shkëlqyer me fanellën bardh e zi dhe paraqitjet e tij të mira kanë rënë në sytë e Juventusit.
Kampionët aktual të Italisë kanë parë nga afër në dy ndeshjet me Valencian, portugezin dhe po mendojnë transferimin e tij.
Trajneri i Juventusit, Maximiliano Allegri ka mbetur tejet i kënaqur me lojën e treguar nga Guedes dhe po kërkon transferimin e tij në Torino.
22-vjeçari shihet si futbollist me potencial për të ardhmen dhe kjo gjë ka bindur Zonjën e Vjetër të shpenzojë për të.
Sipas asaj që ka raportuar Tuttosport, Juventus është gati të paguaj rreth 45 milionë euro për Guedesin.
Reprezentuesi portugez ishte fillimisht i huazuar tek Valencia vitin e kaluar, ndërsa këtë verë klubi spanjoll pagoi 40 milionë euro tek PSG për transferimin e tij.
Interesim për anësorin ka shprehur edhe skuadra e madhe angleze Chelsea. /Telegrafi/