Argjentina dhe Franca do të luajnë finalen e madhe të Kampionatit Botëror ‘Katar 2022’.
Dy kombëtaret do të kërkojnë triumfin e tretë dhe pas të dielës njëra nga to do t’i ketë tre yje në fanellë.
Antoine Griezmann ishte lojtari i ndeshjes në gjysmëfinalen ndaj Marokut, derisa ai ka folur për kundërshtarin e ardhshëm, Argjentinën.
Sulmuesi francez ka thënë se çdo skuadër me Messin në përbërje është e rrezikshme.
“Çdo ekip që ka Messin në radhët e veta është i papërshtatshëm dhe shumë i rrezikshëm”, deklaroi fillimisht Griezmann.
Tutje sulmuesi francez deklaroi se Argjentina ka një ekip shumë të mirë dhe aty nuk është vetëm Messi, derisa ka vlerësuar edhe përkrahjen e madhe që kanë argjentinasit nga tifozët.
“Ne e kemi parë Argjentinën duke luajtur dhe e dimë se si luajnë. Ata janë një ekip i vështirë dhe duken në formë të mirë, por nuk është vetëm Messi”.
“Ata kanë një ekip të fortë dhe do të kenë mbështetje të madhe, gjithsesi ne do të përgatitemi mirë për të fituar”, u shpreh sulmuesi francez.
Finalja mes Argjentinës dhe Francës zhvillohet të dielën me fillim nga ora 16:00 me kohën tonë lokale. /Telegrafi/