Disa veshje nuk dalin kurrë nga moda dhe një pallto e zezë është padyshim një prej tyre.
Ylli i madh i filmit, Monica Bellucci, ka mbërritur në Selanik për të marrë pjesë në festivalin e atjeshëm të filmit.
Në këtë ngjarje të filmit, ajo u nderua me çmimin ‘Aleksandri i Artë’ për kontributin e përgjithshëm në kinematografi.
Emotional Monica Bellucci Receives Prestigious "Golden Alexander" Award at Thessaloniki Film Festival https://t.co/6xo62Zvw3W pic.twitter.com/Ov3cjiM8Jn
— Greek City Times (@greekcitytimes) November 9, 2023
59-vjeçarja tërhoqi vëmendjen me stilin e saj, zgjodhi një pamje të thjeshtë dhe elegante, e veshur me pantallona të gjera të zeza, të cilat i kombinoi me një pallto të zezë vjeshte dhe një këmishë të zezë transparente.
Monica njihet për stilin e përsosur dhe shumë e konsiderojnë ndër femrat më të bukura në botë. Pavarësisht se është shumë e pashme dhe tërheqëse, italiania zakonisht zgjedh një pamje mjaft modeste, pa treguar shumë dhe duke vënë në plan të parë atraktivitetin e saj.
Palltot klasike janë padyshim veshje vjeshte që nuk kanë datë skadence. Ofrojnë pamje elegante, janë shtesa perfekte për çdo veshje dhe mund të vishen me këpucë sportive apo me taka të larta. /Telegrafi/
