Gjithmonë ai – Balotelli shënoi i pari në dekadën e kaluar në Serie A, shënon përsëri i pari në këtë dekadë

Mario Balotelli është lojtari i cili ka shënuar golat e parë në dy dekadat e fundit në kampionatin italian, Serie A.

Sulmuesi italian është njëri nga talentet më të mëdhenj të dalë nga Serie A, por me kalimin e kohës menaxhimi i karrierës së tij nuk ka qenë më i miri.

Megjithatë, ‘Supermario’ gjithmonë ka arritur të lë shenjën e tij, aty ku ka luajtur.

Lexo po ashtu Të gjitha lajmet rreth Mario Balotellit

Balotelli tani po njihet si lojtari i cili i hap dekadat e reja me golin e parë të shënuar.

Me 6 janar të vitit 2010, Balotelli, atë kohë sulmues i Interit, shënoi golin e parë të dekadës në fitoren 1-0 të ekipit të tij ndaj Chievos.

Sot (e diel), më 5 janar, sulmuesi italian u përkujdes përsëri për të shënuar golin e parë të dekadës, pasi i dha epërsinë ekipit të tij, Brescia në humbjen 2-1 nga Lazio. /Telegrafi/