Pronarët e një pishine në Chongqing të Kinës, befasuan me një garë bizare, ku pjesëmarrësit duhet t’ia rrëzojnë tjetrit shputën e këmbës.
Të kapur për gishtat e mëdhenj, rreth 40 çifte u bënë pjesë e lojës, të cilën dikush e kreu me shumë seriozitet, transmeton Telegrafi.
Në anën tjetër kishte edhe të tillë, që bënë me hile duke i hedhur kundërshtarit ujë në fytyrë për ta shqetësuar. Mirëpo, kjo që duket si një lojë e kotë, ka një qëllim të mirë shëndetësor.
“Klientët tanë, kanë shumë probleme me ngërçet në këmbë, andaj menduam se lojë do t’ju çlironte muskujt”, kanë thënë zyrtarët e pishinës.
Fituesve të garës, iu është dhënë nga një biletë pishine falas, teksa është thënë se kjo formë efikase e ushtrimeve do të praktikohet dhe në të ardhmen. /Telegrafi/
https://youtu.be/JOOkG9l0lfA