Ka një grup lojtarësh në çdo Kupë të Botës që e vendosin veten në ‘treg’ me një sërë paraqitjesh të jashtëzakonshme – dhe turneu “Katar 2022” nuk është i ndryshëm, pasi shumë futbollistë shkëlqyen dhe pritet të transferohen në afatin e ardhshëm kalimtar ose më së largu në verë.
Kupa e Botës “Katar 2022” po vjen drejt fundit, pasi kanë mbetur vetëm edhe dy ndeshje deri në fund – ajo për vendin e tretë mes Kroacisë dhe Marokut të shtunën dhe finalja e madhe e së dielës mes Argjentinës dhe Francës.
Sikursë në çdo Kampionat Botëror, edhe në këtë edicion të sivjetmë në Katar, pati shumë futbollistë që befasuan me aftësitë e tyre dhe shkëlqyen duke dhuruar paraqitje mbresëlënëse.
Por, kush janë futbollistët që shkëlqyen në “Katar 2022” dhe pritet të transferohen në afatin e ardhshëm kalimtar ose më së largu në afatin veror.
Mediumi i njohur britanik The Mirror ka publikuar një formacion me futbollistët që shkëlqyen dhe pritet të bëjnë transferime të mëdha së shpejti, ndërsa Telegrafi ua sjell atë më poshtë grafikisht.
Portieri – Dominik Livakovic
Mbrojtës– Diogo Dalot
Mbrojtës – Josko Gvardiol
Mbrojtës – Jurrien Timber
Mesfushor – Sofyan Ambrabat
Mesfushor – Enzo Fernandez
Mesfushor – Jude Bellingham
Mesfushor anësor –Mohammed Kudus
Mesfushor anësor – Joao Felix
Sulmues – Coady Gakpo
Sulmues – Goncalo Ramos
/Telegrafi/