Superliga evropiane ka qenë temë e madhe në gjithë globin në pesë ditët e fundit.
Themelimi i kësaj lige nga 12 top klube evropiane mori reagime të ashpra nga tifozët dhe klube tjera të ndryshme.
Njëra nga klubet që kishte mundësinë të futet në këtë ligë ishte edhe gjiganti italian Roma, por që këta të fundit e kanë refuzuar një gjë të tillë.
Giallorosët ishin ndër skuadrat pretendente për tu futur në këtë ligë, madje edhe Florentino Perez deklaroi se Roma dhe Napoli janë të ftuara dhe se varet nga to nëse dëshirojnë të futen.
Megjithatë klubi italian lëshoi një komunikatë ku qartësoi se për ta më shumë vlen pasioni i tifozëve se sa paraja.
Edhe trajneri i Romës, Paulo Fonseca ka folur për këtë temë, duke thënë se është krenar që skuadra e tij refuzoi të futet në këtë ligë.
“Ashtu si thuajse të gjithë trajnerët, edhe unë jam plotësisht kundër idesë së Superligës evropiane”.
“Jam krenar që jam pjesë e një klubi, që demonstroi se primare nuk janë paratë, por tifozët, futbollistët e trajnerët. Jam krenar me pozicionimin e Romës në këtë çështje”, u shpreh tekniku i verdhekuqve.
Megjithatë pas presionit të madh, nga kjo ligë janë tërhequr skuadrat si Tottenham Hotspur, Chelsea, Arsenal, Liverpool, Manchester United, Manchester City, Inter dhe Atletico Madrid.
Aktualisht tërheqjen nuk e kanë bërë vetëm Real Madrid, Juventus dhe Barcelona. /Telegrafi/