CEO i Fluidi Group, Berat Mustafa, të hënë, ka nënshkruar memorandum bashkëpunimi me Komitetin Paralimpik të Kosovës i cili është përfaqësuar nga Njomëza Emini.
Mustafa ka shprehur vullnet që përmes shitjeve të produktit vendor, vajit Floil, të mblidhen fonde të cilat do të shkojnë direkt për nevojat e këtij Komiteti, ku i përgëzoi për punët e mrekullueshme që po i bëjnë në dobi të personave me aftësi të kufizuara.
Përmes kampanjës “1 cent – Dhuro pak, ndihmo shumë!”, Fluidi Group do mbledhë 1 cent nga çdo blerje e vajit Floil dhe t’i dhurojë ato për Komitetin Paralimpik të Kosovës.
Fondacioni “Floil Cares” vazhdon të punojë në ideimin e kampanjave tjera të cilat do ndihmojnë drejtpërdrejtë edhe komunitetet tjera në nevojë në vendin tonë.