Ish-reperi nga Gjilani, Fero, ka bërë një tjetër postim në rrjete sociale, përmes të cilit i drejtohet dikujt – edhe pse nuk ka përmendur emra.
Në videot që ka shpërndarë, ai thekson se shumë njerëz që janë të famshëm tani janë falë tij.
I njëjti thekson se nuk ka marrë asnjë falënderim dhe se ka përqindje në paratë që ata marrin.
“Sa njerëz që janë sot shumë të famshëm nuk i keni njohur pa ua prezantuar unë, sot i njihni. Në bazë të famës bëjnë pare dhe çdo para që e bëjnë kam edhe unë përqindje aty. Prapë se prapë edhe një faleminderit të ma dini, por edhe që s’ma dini. Keq mos me fol”, u shpreh ai.
Ish-artisti në tjetrën video theksoi: “Llogarite prej asaj parasë ta shohin hajrin familja, ta shohin hajrin shoqëria. A je duke kuptuar, sebep i madh është ky”.
Fero ka kohë që ka bërë një tërheqje nga muzika për t’iu përkushtuar fesë islame. /Telegrafi/